Ла лига президенти Хавьер Тебас фикрича, "ПСЖ" клуби молиявий фэйр-плей қоидаларини бузган ва ЕЧЛдан четлатилиши керак.
"Реал" ҳам, "Барселона" ҳам мендан "ПСЖ"ни айблашни сўрамаганлар. Бу Неймарнинг трансфери билан ҳам боғлиқ эмас. Бизнинг фикримизча, "ПСЖ" каби клублар Европадаги профессионал футболнинг барқарорлигига зарар етказади.
"Манчестер Сити" ҳақида ҳам шундай дейиш мумкин. Умуман олганда молиявий фэйр-плейни бузган ҳар қандай клуб ҳақида ҳам. Бу трансфер бозорида инфляцияни юзага келтирди, шунинг учун бошқа клублар бундай "клуб-давлат"ларга қарши рақобат қилиш учун кўпроқ пул сарфлашларига тўғри келмоқда.
Ҳаммаси УЕФА стандартига мос бўлиши керак. Агар қоидалар клубларни четлатиш керак деб билса - четлатиш керак. Агар клубга трансфер тақиқи қўйилса - трансфер тўхтатилиши керак. Бу интизом чораси бўлиши керак УЕФА бундай қарорларни чиқариши керак. Менинг фикримча, ҳаммани алдаган клуб еврокубокларда қатнашмаслиги керак", - дейди Тебас.
