Superliganing 28-tur bellashuvida jamoamiz "Navbahor"ni qabul qiladi.
Chempionatlar doirasida jamoalar barcha mavsumlarda ishtirok etib kelishadi va hozirga qadar 55 uchrashuvda maydonga tushishgan. O‘zaro o‘yinlar bo‘yicha ustunlik yaqqol "Sherlar" tarafida. 35 bahsda zafar quchgan "Paxtakor" 7 bor raqib bilan durang o‘ynagan va 13 marta imkoniyatni boy bergan. "Navbahor" darvozasiga 95 gol urilib, 42 to‘p o‘tkazib yuborilgan.
Toshkentdagi uchrashuvlarning 24tasida jamoamiz g‘alaba qozonib, 2 durang va 1 mag‘lubiyatni qayd etgan. “Paxtakor” o‘z maydonida oxirgi 21 o‘yinning hammasida yutuqqa erishgan.
O‘zaro o‘yinlar tarixida qayd etilgan eng yirik natija - 7:0 hisobi jamoalarning Toshkentda 2009 yil o‘tgan bellashuvida kuzatilgan. O‘shanda "Paxtakor" mehmonlarni o‘ta yirik hisobda dog‘da qoldirgan.
Joriy mavsum birinchi bosqichda Tiago Bezerra kiritgan yagona to‘p jamoamizga Toshkentda muhim yutuqni taqdim etgandi.
