“Los-Andjeles Gelaksi” hujumchisi Zlatan Ibrohimovich bir haftadan keyin “Men – futbol” deb atalgan ikkinchi kitobi chiqishini e’lon qildi. Kitobning rasmiy taqdimoti 8 noyabrda bo‘lib o‘tadi. 2011 yilda Ibrohimovich bolaligi va futbolchilik faoliyati boshlanishi haqidagi “Men – Zlatan” degan kitobini chop etgandi.
“Keyingi haftada “Men – futbol” deb nomlangan yangi kitobim chiqadi. Bu kitob futbolchi sifatidagi faoliyatim haqida bo‘lib, uni ustida ishlash vaqtida ko‘plab zavq oldim. Kitobda sizni ko‘plab suratlar hamda men va men bilan ishlagan odamlardan olingan intervyular kutmoqda”, deb yozgan futbolchi tvitterda.
