“Nasaf” Superligasining navbatdagi 29-tur uchrashuvini ham o‘z maydonida o‘tkazadi. Bu turda Farg‘onaning “Neftchi” jamoasi “Nasaf” mehmoni bo‘ladi. Jamoalar milliy chempionatdagi o‘zaro 45-uchrashuvini o‘tkazishadi. O‘yin ertaga, 4 noyabr yakshanba kuni  “Markaziy” stadionda soat 18:00da boshlanadi.

Jamoalarning o‘zaro uchrashuvlari tarixidan

Mazkur jamoalar hozirgacha milliy chempionatda 44 marta o‘zaro bahs olib borishgan. Bo‘lib o‘tgan uchrashuvlarning 18tasida “Nasaf” g‘alaba qozongan. 16 uchrashuvda “Neftchi” jamoasining qo‘li baland kelgan. Qolgan o‘zaro 9 uchrashuvda durang qayd etilgan. To‘plar nisbati bo‘yicha ham ustunlik “Nasaf” tomonida – 61-52.

Farg‘onada shu yili bo‘lib o‘tgan o‘zaro so‘nggi uchrashuvda “Nasaf” 3:1 hisobida mag‘lub bo‘lgan.

Qarshidagi o‘zaro uchrashuvlarga oid

Jamoalar Qarshida o‘zaro 22 uchrashuvda maydonga tushishgan. Bo‘lib o‘tgan 15 uchrashuvda “Nasaf”ning qo‘li balan kelgan, 6 uchrashuvda farg‘onaliklar g‘alabaga erishgan. Qolgan birgina uchrashuvda durang natija qayd etilgan. Qarshida o‘tkazilgan uchrashuvlarda darvozalarga jami 59ta gol kiritilgan. To‘plar nisbati 40:19ni tashqil etmoqda. Ustunlik qarshiliklar tomonida.

“Nasaf” jamoasi o‘z muxlislari oldida ilk marta “Neftchi” jamoasi ustidan 2000 yili tarixiy g‘alabaga erishgan. “Neftchi” jamoasi so‘nggi bor Qarshida 2012 yili 2:1 hisobida zafar quchgan.

Qarshida o‘tgan so‘nggi besh uchrashuv

14.05.2018. “Nasaf” – “Neftchi” 2:0

06.05.2017. “Nasaf” – “Neftchi” 2:0

04.11.2016. “Nasaf” – “Neftchi” 3:1

12.10.2015. “Nasaf” – “Neftchi” 1:0

11.04.2014. “Nasaf” – “Neftchi” 2:1

05.10.2013. “Nasaf” – “Neftchi” 2:0

“Nasaf” - “Neftchi” o‘rinbosarlari o‘rtasidagi uchrashuv bugun, 3 noyabr shanba kuni yoshlar qarorgohi maydonida soat 15:00da boshlanadi.

Barcha futbol ishqbozlarini ushbu uchrashuvlarga taklif etib qolamiz.