Qozog‘istonning Aktau shahrida dzyudo bo‘yicha Osiyo ochiq kubogi start oldi. Avvalroq, ushbu musobaqada o‘zbekistonlik polvonlar ham ishtirok etishlari haqida xabar qilgandik.
-60 kg vazn toifasidagi janglarda yurtimiz sharafini himoya qilgan Kemran Nurillayev musobaqa davomida Almazbek Nurxan (Qozog‘iston) Amartuvshin Dashdavaa (Mo‘g‘uliston), Ramazan Mamayev (Qozog‘iston) va Bilguun Dogsom (Mo‘g‘uliston) kabi sportchilarni mag‘lubiyatga uchratdi va oltin medalni qo‘lga kiritdi.
Bugun yana bir qator vazn toifalarida yurtdoshlarimiz gilamga chiqadilar.













