"Nasaf" - "Neftchi" uchrashuvidan so‘ng mezbonlar bosh murabbiyi Ro‘ziqul Berdiyev quyidagicha fikr bildirdi:
- Barchani qo‘lga kiritilgan g‘alaba bilan tabriklayman. Bugun yigitlar jamoaviy jihatdan ham, individual tomondan ham chiroyli o‘yin namoyish etishdi. Bugungi raqibimiz jiddiy edi. "Neftchi" so‘nggi paytlarda ajoyib o‘yin ko‘rsatayotgan edi.
Lekin biz bugun ulardan ustunroq o‘ynay oldik. Bugun yigitlar maydonda bir-birlarini yaxshi tushunib to‘p surishdi. Istaymanki, keyingi o‘yinlarda ham shunday g‘alabalarni qo‘lga kiritaveraylik, - dedi mutaxassis.
