"Manchester Yunayted"ning serbiyalik yarimhimoyachisi Neamanya Matich APLning 11-turida "Bornmut"ga qarshi o‘yinda (2:1) jamoasining lolaqizg‘aldoq tasviri tushirilgan futbolkasida o‘ynashdan bosh tortdi.

30 yoshli futbolchi o‘yin oldidan bu ramzning ma’nosini so‘radi. Bu NATO janglarida halok bo‘lgan britaniyalik askarlarning xotirasiga bag‘ishlanganini bilgach, Matich o‘z formasiga bu ramzni aks ettirishdan bosh tortdi.

Telegraf.rs xabariga ko‘ra, Matich bu nishonni polga uloqtirgan va shunday degan: "Siz mening vatanimni bombardimon qilgansizlar, men bu nishonni hech qachon taqmayman. Agar talab qilinsa, Angliyani ham, klubni ham tark etishga tayyorman".

Matich avvalroq "Chelsi" va "MYU" tarkibida o‘ynagan chog‘ida lolaqizg‘aldoq nishonini formasiga taqqan. Klub Matichning qarorini shaxsiy sabablar deb tushuntirgan.

2015 yilda Britani OAV irlandiyalik futbolchi Jeyms Makkleyni ham formasiga ushbu nishonni taqmagani uchun tanqid qilgan.

Lolaqizg‘aldoq Buyuk Britaniya, Kanada, Yangi Zelandiya va Avstraliyada Birinchi jahon urushi qurbonlari xotirasiga bag‘ishlash an’anaga kirgan.