Dortmundning “Borussiya” klubi futbolchilari Lukash Pishek va Mario Getse safga qaytdilar.

Ikki futbolchi ham “Atletiko”ga qarshi o‘yinda maydonga tusha olishadi. Bu haqda Germaniya klubining matbuot xizmati xabar tarqatdi.

Eslatib o‘tamiz, polshalik futbolchi tizzasida yuzaga kelgan muammolar tufayli “Borussiya”ga so‘nggi ikkita o‘yinda yordam berolmadi.

Getse ham “Union” (Germaniya kubogida) va “Volfsburg”ga qarshi bo‘lib o‘tgan uchrashuvda maydonga tushmadi.

Ma’lumot uchun, “Atletiko” – “Borussiya” uchrashuvi ertaga bo‘lib o‘tadi.