Дортмунднинг “Боруссия” клуби футболчилари Лукаш Пишек ва Марио Гетце сафга қайтдилар.
Икки футболчи ҳам “Атлетико”га қарши ўйинда майдонга туша олишади. Бу ҳақда Германия клубининг матбуот хизмати хабар тарқатди.
Эслатиб ўтамиз, польшалик футболчи тиззасида юзага келган муаммолар туфайли “Боруссия”га сўнгги иккита ўйинда ёрдам беролмади.
Гетце ҳам “Унион” (Германия кубогида) ва “Вольфсбург”га қарши бўлиб ўтган учрашувда майдонга тушмади.
Маълумот учун, “Атлетико” – “Боруссия” учрашуви эртага бўлиб ўтади.
