Yevropa chempionlar ligasining 4-turidan so‘ng "S" guruhida vaziyat ancha chigallashdi. Guruh peshqadami "Liverpul" safarda "Srvena Zvezda"ga imkoniyatni boy berib qo‘ygani haqida xabar berib o‘tgandik.

"Napoli" va "PSJ" jamoalari o‘rtasida Neapol shahrida bo‘lib o‘tgan o‘yin ham durang bilan yakunlandi. Parijliklar birinchi bo‘lim so‘ngida Bernatning goli evaziga hisobni ochgan bo‘lsalar, ikkinchi bo‘lim o‘rtalarida Insinye penaltidan hisobni tenglashtirdi. Bu jamoalarning Parijda bo‘lib o‘tgan o‘yinida ham g‘olib aniqlanmagandi.

Bu guruhda 4-turdan so‘ng "Liverpul" va "Napoli" hisobida 6 ochko mavjud. "PSJ" 5 ochko bilan uchinchi, "Srvena Zvezda" esa 4 ochko bilan so‘nggi o‘rinni egallab turibdi.

YECHL, "S" guruhi. 4-tur
Napoli Italiya – PSJ Fransiya 1:1 (0:1, 1:0)
Gollar: 0:1 – 45 Bernat, 1:1 – 62, penalti InsinYE.
Napoli – Ospina, Maksimovich (Xyusay, 76), Albiol, Kulibali, Mariu Ruy, Kalyexon, Allan, Gamshik, Fabian Ruis (Zelinski, 71), Mertens (Una, 83), InsinYE.
PSJ – Buffon, Markinyos, Tiago Silva, Kerer (SHupo-Moting, 90), Menye (Kimpembe, 73), Di Mariya (Kavani, 77), Verratti, Draksler, Bernat, Mbappe, Neymar.
Ogohlantirishlar: Mbappe (29), Kerer (32), Fabian Ruis (45), Verratti (89), Neymar (90).