Poytaxtimizda OFKning xalqaro “A” sertifikati uchun murabbiylik o‘quv kurslari bo‘lib o‘tayotgani haqida avval xabar berib o‘tgandik. O‘quv kursida 24 nafar murabbiy ishtirok etyapti.
O‘quv kursini FIFA va OFK instruktori Islom Ahmedov olib bormoqda. Unga koordinator Oybek Davletmuratov yordam beryapti. Ushbu kurslarni muvaffaqiyatli tamomlaganlar 2019 yildan boshlab Pro-ligada bosh murabbiy, Superligada yordamchi murabbiy, terma jamoalarda esa murabbiy bo‘lib ishlash huquqini qo‘lga kiritadilar. Shundan so‘ng murabbiylar ikki yil davomida murabbiy sifatida faoliyat yuritib, keyin "Pro" lisenziyasi uchun o‘qishni davom ettirishlari mumkin bo‘ladi.
Ushbu o‘quv kurslarida yaqin o‘tmishning mashhur futbolchilari, hozirgi kunda murabbiylik sohasida faoliyat olib borayotgan Temur Kopadze, Viktor Karpenko, Asror Aliqulov, Ne’matullo Quttiboyev, Xayrulla Karimov, Abdumajid Toirov kabi futbolchilar ishtirok etishyapti. Shuningdek, "A" lisenziyasini qo‘lga kiritib bo‘lgan mutaxassislar - Ulug‘bek Baqoyev, Jasur Abduraimov va Jafar Irismetovlar erkin tinglovchi sifatida mazkur kurslarda qatnashib, bilimlarini yangilashmoqda.
Bugun "A" lisenziyasi uchun tahsil olayotgan murabbiylar O‘zbekiston milliy terma jamoasi bosh murabbiyi Ektor Kuper bilan uchrashishdi. Tajribali argentinalik mutaxassis uchrashuv davomida murabbiylarni qiziqtirgan savollarga javob berib o‘tdi. Shuningdek, murabbiylik sohasi bo‘yicha turli masalalar bo‘yicha fikr almashildi.
Ushbu o‘quv kurslari 18 noyabr kuniga qadar davom etadi.
Rasman! "Liverpul"ga yangi bosh murabbiy tayinlandi (foto) [3978]
Mbappe Fransiyada qolishi mumkin [3650]
"Barselona" La Ligada ikkinchi o‘rin uchun qancha pul oladi? [3516]
Keyn Myunxenni tark etdi [3070]
“Manchester Siti” chempionlikni ertalabki soat 5 ga qadar nishonladi(foto) [3019]
«Real» bilan bunaqasi 1948 yildan buyon ilk marta sodir bo‘ldi [2821]
Ronaldu tarixdagi eng yaxshi yevropalik futbolchi deb topildi [2812]
Chempionshipdan APLga chiqqan jamoalarning omadi kelmadi [2421]