Пойтахтимизда ОФКнинг халқаро “А” сертификати учун мураббийлик ўқув курслари бўлиб ўтаётгани ҳақида аввал хабар бериб ўтгандик. Ўқув курсида 24 нафар мураббий иштирок этяпти.
Ўқув курсини ФИФА ва ОФК инструктори Ислом Аҳмедов олиб бормоқда. Унга координатор Ойбек Давлетмуратов ёрдам беряпти. Ушбу курсларни муваффақиятли тамомлаганлар 2019 йилдан бошлаб Про-лигада бош мураббий, Суперлигада ёрдамчи мураббий, терма жамоаларда эса мураббий бўлиб ишлаш ҳуқуқини қўлга киритадилар. Шундан сўнг мураббийлар икки йил давомида мураббий сифатида фаолият юритиб, кейин "Pro" лицензияси учун ўқишни давом эттиришлари мумкин бўлади.
Ушбу ўқув курсларида яқин ўтмишнинг машҳур футболчилари, ҳозирги кунда мураббийлик соҳасида фаолият олиб бораётган Темур Копадзе, Виктор Карпенко, Асрор Алиқулов, Неъматулло Қуттибоев, Хайрулла Каримов, Абдумажид Тоиров каби футболчилар иштирок этишяпти. Шунингдек, "А" лицензиясини қўлга киритиб бўлган мутахассислар - Улуғбек Бақоев, Жасур Абдураимов ва Жафар Ирисметовлар эркин тингловчи сифатида мазкур курсларда қатнашиб, билимларини янгилашмоқда.
Бугун "А" лицензияси учун таҳсил олаётган мураббийлар Ўзбекистон миллий терма жамоаси бош мураббийи Эктор Купер билан учрашишди. Тажрибали аргентиналик мутахассис учрашув давомида мураббийларни қизиқтирган саволларга жавоб бериб ўтди. Шунингдек, мураббийлик соҳаси бўйича турли масалалар бўйича фикр алмашилди.
Ушбу ўқув курслари 18 ноябрь кунига қадар давом этади.
Мбаппе Винисиусни ҳақорат қилган футболчининг «таъзирини берди» (Фото) [8702]
Шомуродов яна иккинчи ўринга тушиб қолди [5619]
Моуриньо: «Винисиуснинг голини фақат икки футболчи такрорлаши мумкин» [3777]
«Жаҳон чемпиониман, сен-чи?» (Фото) [3235]
Моуриньо Винисиусга нималар деди? [2705]
Гвардиола: «Ҳусановни бошқа футболчилар билан адаштирманг...» [2607]
«Жирона» — «Барселона» ўйинида ишлаган VAR ҳаками четлатилди [2440]
ЕЧЛ. «Бенфика» — «Реал» — 0:1 (видеошарҳ) [2395]
«Манчестер Юнайтед» «Барселона»га 40 миллион евро таклиф қилишга тайёр [1943]
ZO'R TV 18 февраль санасида ЕЧЛнинг қайси ўйинларини намойиш этиши маълум бўлди [1804]
