Ashxobod shahrida og‘ir atletika bo‘yicha jahon chempionati yakunlandi. Musobaqaning so‘nggi kunida vazni 109 kg.dan og‘ir atletlar o‘z omadlarini sinab ko‘rishdi.

Ushbu vaznda O‘zbekiston sharafini Rustam Jangabayev himoya qildi. Hamyurtimiz dast ko‘tarishda 202 kilo shtangani ko‘tarib, 4-o‘rinni band etdi.

Siltab ko‘tarish mashqlarida esa Rustam 245 kg. toshni o‘ziga bo‘ysundirdi. Faqatgina shaxsiy vazndagi tavofut tufayli Jangabayev armanistonlik Gor Minasyandan ortda qolib, bronza medaliga ega chiqdi.

Vatandoshimiz ikki kurash yig‘indisi bo‘yicha 447 kg. natija ko‘rsatib, bronza medalini qo‘lga kiritdi. Eslatib o‘tamiz, avgust oyida Indoneziyada bo‘lib o‘tgan Osiyo o‘yinlarida Rustam Jangabayev ikki kurashda 455 kg. natija ko‘rsatib, bronza medaliga loyiq ko‘rilgandi.

Gruziyalik Lasha Talaxadze musobaqada 3ta oltin medallarni ko‘ksiga taqdi — 217 + 257 = 474 kg. Minasyan esa 3ta kumushga ega chiqdi.