Italiya chempionati 12-turida “Milan” o‘z maydonida musobaqa peshqadami “Yuventus”ni qabul qiladi.
Football Italia’ning bergan ma’lumotlariga ko‘ra, Turin klubi yetakchisi Krishtianu bugun o‘zining noxush an’anasiga barham berishi mumkin.
Ma’lumot uchun, Ronaldu “San-Siro”da shu kungacha birorta gol urmagan.
33 yoshli futbolchi mazkur o‘yingohda 5 marta o‘ynagan va birorta gol kiritmagan. Hujumchi 3 marta “Milan”ga qarshi va bir marta “Inter”ga qarshi o‘ynagan.
Shuningdek, Chempionlar ligasi finalida “Atletiko”ga qarshi mazkur o‘yingohda o‘ynagan.
