“Bavariya” Bundesliganing 11-turidan so‘ng 5-o‘ringa tushib ketdi. Shanba kuni myunxenliklar safarda Dortmundning “Borussiya” klubiga 2:3 hisobida yutazib qo‘yishdi va ashaddiy raqibidan 7 ochko ortda qolib ketdi.

Yakshanba kuni “RB Leypsig” “Bayer”ni (3:0), “Ayntraxt” esa “Shalke”ni (3:0) yirik hisobda mag‘lubiyatga uchratdi. Aynan shu g‘alabalar evaziga “Bavariya” raqiblarini o‘zidan o‘tkazib yubordi.

Ma’lumot uchun, “Bavariya”so‘nggi 8 yilda 11-turdan so‘ng bu qadar kam ochko to‘plamagan bo‘lib, yetakchidan 7 ochko ortda qolgan vaqtda hech qachon mavsumni chempionlik bilan yakunlamagan.