"Yuventus" ustozi Massimiliano Allegri Italiya chempionatining eng yaxshi murabbiyi deb topildi. Shu bois, unga "Oltin o‘rindiq" sovrini topshirildi.
Murabbiylar o‘rtasida o‘tkazilgan so‘rovnomada Allegri g‘olib chiqdi. "Keksa sinyora"ning 51 yoshli murabbiyi 17ta ovoz to‘plagan bo‘lsa, uning yaqin ta’qibchilari – Maurisio Sarri ("Napoli" sobiq bosh murabbiyi) va Simone Indzagi ("Lasio") 8tadan ovoz to‘plashdi.
Allegri faoliyati davomida to‘rtinchi "oltin o‘rindiq"qa ega bo‘ldi. Avvalroq u 2008/09, 2014/15 va 2016/17 yillarga mavsumlarda A seriyaning eng yaxshi murabbiy deb topilgandi. Bu borada Massimiliano Allegri mutlaq rekordchiga aylandi. Antonio Konte va Fabio Kapello hisobida "O‘rindiq"dan 3tasi bor.
"Empoli" ustozi Aurelio Andreasolli "V" seriyaning eng yaxshi murabbiyi deb topildi va unga "kumush o‘rindiq" topshirildi.