O‘zbekiston 2030 yil o‘tkaziladigan Osiyo o‘yinlariga mezbonlik qilish mumkin. Bu haqda Jismoniy tarbiya va sport vazirining birinchi o‘rinbosari Oybek Qosimovga tayanib “Xalq so‘zi“ muxbiri xabar bermoqda.
Ma’lum qilinishicha, hozirgi paytda 2030 yil o‘tkaziladigan Osiyo o‘yinlariga mezbonlik qilish imkoniyatlari o‘rganib chiqilmoqda.
Buning uchun mamlakatimizda mavjud bo‘lgan sport inshootlari, logistika, transport va mehmonxona infratuzilmalarining quvvatlarini tahlil qilish va chet el tajribasini o‘rganish asosida munosib sport infratuzilmasini yaratish masalalari yuzasidan Hukumatga takliflar kiritiladi.
