“Yuventus” klubi bosh murabbiyi Massimiliano Allegri Italiya “A” Seriyasida o‘tgan mavsumning eng yaxshi murabbiyi deb topildi.

Bu italiyalik mutaxassis uchun faoliyatidagi to‘rtinchi sovrin bo‘lib,shu tariqa, Allegri bu sovrinni uch martadan qo‘lga kiritgan Marchello Lippi, Antonio Konte va Fabio Kapello kabi murabbiylarni ortda qoldirdi.

Ushbu sovringa Allegridan boshqa yana “Napoli” sobiq ustozi Maurisio Sarri va “Lasio” bosh murabbiyi Simone Inzagi da’vogarlik qilgandi.

Ma’lumot o‘rnida, Allegri bundan avval “Kalyari”dagi ishidan so‘ng 2011 yilda, shuningdek, “Yuventus” bilan 2015-2016 yillarda ushbu sovringa loyiq ko‘rilgandi.