“Ювентус” клуби бош мураббийи Массимилиано Аллегри Италия “А” Сериясида ўтган мавсумнинг энг яхши мураббийи деб топилди.
Бу италиялик мутахассис учун фаолиятидаги тўртинчи соврин бўлиб,шу тариқа, Аллегри бу совринни уч мартадан қўлга киритган Марчелло Липпи, Антонио Конте ва Фабио Капелло каби мураббийларни ортда қолдирди.
Ушбу совринга Аллегридан бошқа яна “Наполи” собиқ устози Маурицио Сарри ва “Лацио” бош мураббийи Симоне Инзаги даъвогарлик қилганди.
Маълумот ўрнида, Аллегри бундан аввал “Кальяри”даги ишидан сўнг 2011 йилда, шунингдек, “Ювентус” билан 2015-2016 йилларда ушбу совринга лойиқ кўрилганди.
