“Atletiko” darvozaboni Yan Oblak jamoani tark etishi mumkin. Bu haqda Marca nashri xabar tarqatdi.
Ma’lum qilinishicha, sloveniyalik posbon “Atletiko” yangi shartnoma taklif etmasa, qishda boshqa jamoaga o‘tib ketishni rejalashtirgan. Oblak ushbu rejasini “Atletiko” rahbarlariga yetkazgan.
Shuningdek, Oblak dushanba kuni bergan intervyusida jamoada qolishi haqida aniq bir so‘z aytmagandi: “Bilmayman, lekin ayni vaqtda “Atletiko”daman”, degan darvozabon.
Oblakning“Atletiko” bilan tuzgan shartnomasi 2021 yilga qadar davom etadi. Uning shartnomasi 2016 yildan keyin yangilanmagan bo‘lib, tovon puli 100 million yevroni tashkil etadi.