“Атлетико” дарвозабони Ян Облак жамоани тарк этиши мумкин. Бу ҳақда Marca нашри хабар тарқатди.
Маълум қилинишича, словениялик посбон “Атлетико” янги шартнома таклиф этмаса, қишда бошқа жамоага ўтиб кетишни режалаштирган. Облак ушбу режасини “Атлетико” раҳбарларига етказган.
Шунингдек, Облак душанба куни берган интервьюсида жамоада қолиши ҳақида аниқ бир сўз айтмаганди: “Билмайман, лекин айни вақтда “Атлетико”даман”, деган дарвозабон.
Облакнинг“Атлетико” билан тузган шартномаси 2021 йилга қадар давом этади. Унинг шартномаси 2016 йилдан кейин янгиланмаган бўлиб, товон пули 100 миллион еврони ташкил этади.
