Turinning “Yuventus” klubi hujumchisi Krishtianu Ronaldu dushanba kuni tennis bo‘yicha o‘tkaziladigan ATP turniriga oila a’zolari bilan tashrif buyurdi.

Turnirning ikkinchi kunida dunyoning birinchi raketkasi Novak Jokovich Jon Iznerni osonlikcha – 6:4, 6:3 hisobida taslim qildi.

Ushbu o‘yinda portugaliyalik futbolchiga ham ish topildi. Gap shundaki, o‘yin oldi mashg‘ulotida 33 yoshli futbolchining rafiqasi Jorjina Rodriges tomon bir nechta tennis to‘plari uchib keldi. Ronaldu rafiqasini bir nechta to‘plardan himoya qildi lekin, bir marta to‘pni ushlay olmadi.

Shundan so‘ng, Krishtianu hal qiluvchi bahslarni tomosha qilish uchun Londonga bordi va Bulgari Hotel mehmonxanisiga joylashdi.

Mazkur o‘yindan so‘ng, Jokovich ushbu o‘yinga kelgani uchun Ronalduga tashakkur bildirdi.

"Egnimda uning libosi bor edi. Ishonchim komil, u bunga hursand bo‘lgan. Futbol yulduzi tennis ko‘rishga kelishi bu ajoyib. Oldin u ba’zida Madridda bo‘lib o‘tgan o‘yinlarni tomosha qilishga kelardi. U tennis muxlisi”, - deb izohlaydi Jokovich.