O‘zbekiston Professional futbol ligasi mavsum boshidan buyon oyning eng yaxshilarini aniqlash uchun o‘tkazib kelayotgan so‘rovnomasini davom ettiradi.
Mazkur so‘rovnomada Superliganing 12 ta klubi bosh murabbiylari va sardorlari ishtirok etadi. Muxlislar ovozi esa PFL rasmiy saytida bo‘ladigan so‘rovnoma orqali qabul qilinadi.
Ortda qolgan oktyabr oyida Superligada 25-26-27-tur uchrashuvlari, shuningdek, O‘zbekiston kubogi-2018 final o‘yini o‘tkazildi.
Mazkur uchrashuvlar davomida bir qator futbolchilar ajoyib o‘yin namoyish etib, muxlis-u mutaxassislar olqishlariga sazovor bo‘ldi. Qolaversa, jamoalariga muhim ochkolarni qo‘lga kiritishda ko‘mak berishdi.
Oktyabr oyining eng yaxshi futbolchisi bo‘lish uchun nomzodlar:
|
Nomzod |
Klub |
Erishdi |
№ |
|
Bobir Abduxoliqov |
Nasaf |
3 ta o‘yin, 5 ta gol |
|
|
Yovan Jokich |
AGMK |
4 ta o‘yin, 2 ta gol |
|
|
Marat Bikmayev |
Lokomotiv |
3 ta o‘yin, 2 ta gol, 1 ta golli pas |
|
|
Farrux Sayfiyev |
Paxtakor |
4 ta o‘yin, 2 ta gol |
|
Oyning eng yaxshilariga PFL rasmiy sayti - www.PFL.uzda ovoz berishingiz mumkin.
