Turinning “Yuventus” klubi hujumchisi Krishtianu Ronaldu o‘zining sevligisi ispaniyalik model Jorjina Rodrigesning qo‘lini so‘radi. Bu haqda Mirror nashri xabar bermoqda.

Manbaning ma’lumot berishicha, Jorjina o‘z roziligini bildirgan. Ularning to‘y marosimi qachon va qayerda bo‘lishi hozircha aniq emas.

Ikki sevishgan Londonda kechki ovqat paytida ko‘rinish berishgan, Ronaldu va Rodrigesning qo‘lida Fransiyaning Cartier shirkatiga tegishli bir xil nikoh uzuklari taqilgan edi.

Nashrning ta’kidlashicha, Jorjina allaqachon to‘y libosini tanlashga tushib ketgan.

Ronaldu va Jorjina ko‘p muddatdan buyon birga yashab kelmoqda, Rodriges Ronalduning 4-farzandiga Alana Martinaga ona hisoblanadi.