Туриннинг “Ювентус” клуби ҳужумчиси Криштиану Роналду ўзининг севлигиси испаниялик модель Жоржина Родригеснинг қўлини сўради. Бу ҳақда Mirror нашри хабар бермоқда.
Манбанинг маълумот беришича, Жоржина ўз розилигини билдирган. Уларнинг тўй маросими қачон ва қаерда бўлиши ҳозирча аниқ эмас.
Икки севишган Лондонда кечки овқат пайтида кўриниш беришган, Роналду ва Родригеснинг қўлида Франциянинг Cartier ширкатига тегишли бир хил никоҳ узуклари тақилган эди.
Нашрнинг таъкидлашича, Жоржина аллақачон тўй либосини танлашга тушиб кетган.
Роналду ва Жоржина кўп муддатдан буён бирга яшаб келмоқда, Родригес Роналдунинг 4-фарзандига Алана Мартинага она ҳисобланади.
