Xabaringiz bor, O‘zbekiston milliy terma jamoasi futbolchilari Ektor Kuper boshchiligida ayni kunlarda Avstraliyaning Brisben shahrida yig‘in o‘tkazishmoqda.
Bugun milliy terma jamoa bosh murabbiyi Ektor Kuper 63 yoshni qarshi oldi. Argentinalik mutaxassis 1955 yilning 16 noyabr kuni tavallud topgan. Terma jamoa futbolchilari va delegasiya a’zolari bugun tushlik vaqtida Kuperni tug‘ilgan kuni bilan tabriklashdi.
O‘z o‘rnida Stadion.uz xodimlari Ektor Kuperni tavallud ayyomi bilan muborakbod etadi hamda unga omad va zafarlar yor bo‘lishini tilab qoladi.
Umid qilamizki, ushbu murabbiy qo‘lostida milliy terma jamoamiz millionlab yurtdoshlarimizning azaliy orzusini ro‘yobga chiqarib, Jahon chempionati yo‘llanmasini qo‘lga kiritadi!
