"Barselona" yarim himoyachisi Usmon Dembele ushbu haftada mas’uliyatsizlikka yo‘l qo‘ydi. Fransiyalik futbolchi 14 noyabr, chorshanba kuni o‘z uyiga do‘stlarini taklif qilib, tuni bilan videoo‘yinlarni o‘ynab chiqqan.

Ertalab soat 11:00da mashg‘ulotga kelishi kerak edi, ammo u uxlab qolgani uchun mashg‘ulotga tashrif buyurmadi. Soat 11:30da jamoa vakili unga qo‘ng‘iroq qildi. Futbolchi esa qorni og‘riyotgani bois mashg‘ulotga bormaganini aytgan. Kechasi jamoa shifokori Dembeleni uyiga keldi va uning soppa-sog‘ ekanini ko‘rdi.

Aslida, 12 noyabr kuni futbolchi va klub rahbariyati o‘rtasida Dembelening rejimga amal qilishi borasida suhbat bo‘lib o‘tgandi. Ammo bu narsa ham futbolchini o‘zgartira olmadi. Usmon fastfudlarga o‘ch bo‘lgani uchun klub unga diyetolog taqdim qilgandi. Ammo futbolchining uning xizmatidan voz kechgan.