Avvalroq, O‘zbekiston Milliy olimpiya qo‘mitasi prezidenti, O‘zbekiston futbol assosiasiyasi birinchi vise-prezidenti Umid Ahmadjonov Milliy olimpiya qo‘mitasida “Hawk-Eye Innovations Ltd” kompaniyasi Osiyo mintaqasi bo‘limining boshqaruvchi direktori Ben Krossing bilan uchrashuv o‘tkazgani haqida xabar bergan edik.

Ben Krossing kompaniya ko‘plab mamlakatlarda ish olib borishini, yangi hamkorlikdan faqat va faqat xursand bo‘lishini ta’kidladi.

“VAR tizimini o‘rnatish uchun 4-8 oy vaqt ketadi. Uning narxi kelishuv shartlariga bog‘liq.

Masalan, buning uchun mahalliy kompaniyalarni jalb qilsangiz bu siz uchun arzonroq tushadi.

Agar besh yillik kelishuv amalga oshirilsa, yanada yaxshiroq sharoitlar yaratiladi. Jo‘nab ketish oldidan O‘zbekistondagi stadionlardan birini ko‘zdan kechiraman”, dedi mutaxassis.

Shuningdek, tomonlar uchrashuv davomida shuningdek, VAR tizimiga oid bir qator yangiliklarni ham muhokama qildilar. Umid Ahmadjonov ushbu tizimni O‘zbekistonda tatbiq etish shartlari, yana boshqa jihatlar bilan qiziqdi.