PFL - 2019 yilgi mavsum uchun klublarga bir qator  talabarni qo‘ymoqda. Pfl talabalariga befarq bo‘lmagan Termizning “Surxon” jamoasi ham kelasi mavsum uchun tayorgarlikni allaqachon boshlab yuborgan.

Bu yili jamoa uy uchrashuvlarini “Alpomish” markaziy o‘yingohida olib bordilar. Lekin, Termizda aynan “Surxon” futbol klubi uchun yangi “Surxon” sport majmuasi maydonida katta ishlar amalga oshirilmoqda.

Surxondaryo viloyatining avvalgi hokimi Turdimov Erkinjon Oqbo‘tayevich tashabbusi bilan Gollandiyadan stadionga mahsus chim olib kelib yotqizilgan edi.  Bugungi kunga kelib o‘yingoh ideal holatga kelgan.

Umuman, “Surxon” sport majmuasida bugungi kunda zamon talablariga mos ravishda qurilgan 2-ta mini - futbol maydoni, o‘quv – mashg‘ulot zallari, mahsus elektron tablo, jamoa mashg‘ulot olib borishi uchun yana bir maydon tayyor holatga keltirilmoqda.

Klub vise – prezidenti Bahrom Mamatkulov shu kunlarda  stadion mutassadilari bilan bevosita uchrashib, stadionda olib borilayotgan tayyorgarlik ishlari bilan yaqindan tanishib chiqmoqda.

"Surxon" matbuot xizmati