O‘zbekiston professional futbol ligasi kelasi mavsumga tayyorgarlikni hozirdanoq boshlab yubordi. PFL kelasi mavsumda klublar oldiga jiddiy talablarni qo‘ymoqda.
Bugun Qo‘qondagi "Markaziy" stadioniga PFL bosh direktori o‘rinbosari Dilshod Xaitmetov boshchiligidagi ispeksiya tashrif buyurdi. Mehmonlar stadion maysasining holati , muxlislar va futbolchilarga yaratilgan sharoitlar bilan batafsil tanishdilar.
Inspeksiya vakillari "Qo‘qon-1912" futbol klubi ofisida bo‘lib , klub bosh direktori Baxtiyor aka Tolipov bilan uchrashdilar. Jamoa rahbarining kelgusi mavsumdagi rejalari borasida suhbat bo‘lib o‘tdi.
PFL vakillari Qo‘qondagi "Markaziy" stadionning chimini yangilash , stadion yoritish tizimini belgilangan me’yorda bo‘lishi yuzasidan taklif va maslahatlarini berishdi. Jamoamiz rahbariyati kelayotgan yangi mavsumda Qo‘qondagi "Markaziy" stadion maysasi yangilanishi , yoritish tizimi ham reglamentda belgilangan me’yorda bo‘lishi uchun reja qilinayotgan ishlar bilan mehmonlarni tanishtirib o‘tishdi.
