O‘zPFL tomonidan tuzilgan lisenziyalash komissiyasi a’zolari bugun vodiyga tashrif buyurishdi. Ushbu komissiya a’zolari orasida stadion chimi bo‘yicha mutaxassislar ham faoliyat olib borayotganini ta’kidlash lozim. Shuningdek, stadionlar bo‘yicha mutaxassislar stadion chimlarini yaxshi holatga keltirish bo‘yicha klublarga amaliy yordam berishlari ko‘zda tutilgan. Boisi, stadionlarning holatidan Professional Futbol Ligasi ham manfaatdor va klublarga buning uchun amaliy yordam berishga tayyor.

Komissiya  vakillari bugun shuningdek, Namanganga ham tashrif buyurib, viloyat futbol assosiasiyasi vise-prezidenti Shamshod Ergashovich Sarikov, “Navbahor” PFK direktori Rasuljon Akramov, “Markaziy”  o‘yingoh direktori Nabixon Abdug‘aniyev bilan uchrashib, o‘yingoh chimini ko‘zdan kechirib, bu borada stadion mutasaddilariga o‘z maslahatlari va xulosalarini berishdi.