O‘zbekiston Superligasi 31-turidan o‘rin olgan “Qizilqum” va “Neftchi” o‘yini bo‘lib o‘tdi. “Neftchi” bosh murabbiyi Bahrom Haydarov o‘yindan keyin o‘z fikrlarini aytib o‘tdi.

- Bugungi o‘yin bizni jamoamiz uchun oson kechmadi. Ma’lumki, “Qizilqum” jamoasi juda ham tajribali o‘yinchilarga ega. Shunga qaramasdan, “Neftchi” to‘pni yaxshi nazorat qildi. Jamoalar teng o‘ynadi. Natija ham o‘yinga mos ravishda durang bo‘ldi.

Mehmonda ochko olganimizdan biz juda ham mamnunmiz. Mavsum tugashiga bir tur qoldi. Biz oxirgi turda chiroyli o‘yin qo‘rsatib, muhlislar oldida o‘zimizni oqlashga harakat qilamiz.

Turnir jadvalida qanaqa holat bo‘lishidan qat’iy nazar, bu futbol. Jamoamizda yaxshi futbolchilar yig‘ilgan. Ular professional. Jamoa keyingi mavsumda Pro ligaga tushib ketishiga qaramasdan, futbolchilar bor kuchi bilan harakatlanishadi.

Buning uchun jamoa futbolchilariga o‘z minnatdorchiligimi bildiraman. O‘ylaymanki, ohirgi turni ham yuqori tempda o‘tkazib, g‘alaba qozonishga harakat qilamiz. “Qizilqum” jamoasiga keyingi o‘yinda omad tilayman” - dedi “Neftchi” jamoasi bosh murrabiyi.