O‘zbekiston Superligasi 31-turida Toshkentning “Bunyodkor” klubi o‘z maydonidagi so‘ngi uchrashuvda “Metallurg”dan ustun keldi. O‘yindan keyin PFL bosh direktor o‘rinbosari Diyor Imamxo‘jayev o‘z fikrlarini bildirib o‘tdi:
“Bugun “Bunyodkor” mavsumdagi oxirgi uy uchrashuvini o‘tkazdi. Yil davomida klubi, murabbiyi uchun o‘ynagan futbolchilar oxirgi o‘yinda 1:0 hisobida zafar quchdi. O‘yinni oxirigacha tomosha qildim.
Umid qilamanki, bu jamoaning so‘nggi o‘yini emas. Jamoa tarixga kirish ehtimoli bo‘lgan shu o‘yinini, hech narsani belgilab bermasada, mardonavor o‘tkazdi. Shuning uchun ham bu klub yashashga haqli.
O‘yinni oxirigacha ko‘rdim. Havo muzlatmadi, biroq ichimdan bir narsa uzilib tushgandek bo‘ldi”, deb yozadi Diyor Imamxo‘jayev
