Ўзбекистон Суперлигаси 31-турида Тошкентнинг “Бунёдкор” клуби ўз майдонидаги сўнги учрашувда “Металлург”дан устун келди. Ўйиндан кейин ПФЛ бош директор ўринбосари Диёр Имамхўжаев ўз фикрларини билдириб ўтди:
“Бугун “Бунёдкор” мавсумдаги охирги уй учрашувини ўтказди. Йил давомида клуби, мураббийи учун ўйнаган футболчилар охирги ўйинда 1:0 ҳисобида зафар қучди. Ўйинни охиригача томоша қилдим.
Умид қиламанки, бу жамоанинг сўнгги ўйини эмас. Жамоа тарихга кириш эҳтимоли бўлган шу ўйинини, ҳеч нарсани белгилаб бермасада, мардонавор ўтказди. Шунинг учун ҳам бу клуб яшашга ҳақли.
Ўйинни охиригача кўрдим. Ҳаво музлатмади, бироқ ичимдан бир нарса узилиб тушгандек бўлди”, деб ёзади Диёр Имамхўжаев
