Avvalroq, Olimpiya o‘yinlari sovrindori, jahon chempioni Shahram G‘iyosov professional ringdagi oltinchi jangida Migel Zamudioni birinchi raundda nokautga uchratgani haqida xabar bergan edik.

Shahram shundan so‘ng, Instagram’dagi sahifasida muxlislari va butun O‘zbekiston xalqiga rahmatnoma yo‘lladi.

Videoni Instagram’da ko‘rish uchun bu yerga bosing

“Assalom alaykum aziz do‘stlar, tabriklar uchun hammaga katta rahmat! Men uchun bugun yoqimli kun bo‘ldi. Xudoga shukr, oltinchi jangimda ham raqibimni nokaut bilan mag‘lub etdim. Oldimizda hali uzoq yo‘l bor, hammasi oldinda. Shu o‘rinda promouterlarimga rahmat aytmoqchiman, men sizlarni hech qachon uyaltirib qo‘ymayman. Ishonch uchun minnatdorlik bildiraman.

Men barcha kamarlarni olgunimgacha, to‘xtab qolmayman. Bunda menga sizning qo‘llab-quvvatlashingiz kerak bo‘ladi. O‘zbekiston ahliga rahmat! Muxlislar olqishlashdi, men uchun xavotirga tushishdi. Butun xalqimizga, Prezidentimizga, ota-onamga, do‘st yor-u birodarlarim, amakimga kattakon rahmat!” deya video murojaat yo‘llagan Shahram.

Shahram G‘iyosov sakkiz raundga mo‘ljallangan jangning birinchi raundidayoq raqibini nokautga uchratdi va faoliyatidagi oltinchi g‘alabasiga erishdi.