O‘zbekiston Superligasi 31-turidan o‘rin olgan “Lokomotiv” va “Paxtakor” jamoalari o‘rtasidagi o‘yindan so‘ng o‘tkazilgan matbuot anjumanida mehmonlar bosh murabbiyi Shota Arveladze o‘z fikrlarini bildirib o‘tdi.
“Raqibni chempionlik bilan tabriklayman. Yirik hisobda yutish zarur bo‘lganda har bir to‘p yo‘qotilishi o‘zini bildiradi. Ruhan jamoani tayyorlash qiyin, lekin futbolchilar oxirigacha intilishdi. Hisob biz uchun ijobiy bo‘lmasa-da, ular urinishda davom etishdi
Bunday o‘yinlarda harakat qilish ruhan juda og‘ir. Yigitlarga rahmat aytaman
Men eng yaxshi o‘yinchilarni olib kelishni istayman, ammo bu ro‘y beravermaydi. Hammaning o‘z rejasi bor. Kimnidir kelishi ikki taraf xohishiga bog‘liq
O‘tgan mavsum mahalliy futbolchilardan barchasini ham olib kela olmadik
Biz qayerdadir xato qildik, ba’zan omad yetishmadi. Bugun ham ko‘plab imkoniyatlardan foydalana olmadik. Tarkibda o‘zgarishlar hamisha bo‘ladi. Faqat xohishlar to‘g‘ri kelsa bo‘lgani
Barcha tashkiliy ishlar yaxshi darajada bo‘lishi kerak. Maydonlarni gapirganimda buni bahona deb o‘ylaganlar bo‘ldi, ammo nega imkon bor holda sharoitlarni yaxshilamaslik kerak? Shunda barcha kuchliroq o‘ynaydigan bo‘ladi”, dedi Arveladze.
