Avval xabar qilinganidek, bugun 2004 yilda tug‘ilgan akademiyalar tarbiyalanuvchilari o‘rtasidagi "O‘FA Kubogi" musobaqasi finali bo‘lib o‘tdi. Finalda Namangan jamoasi Toshkent jamoasiga qarshi maydonga tushdi. Asosiy vaqt 1:1 hisobidagi durang bilan yakuniga yetdi. Penaltilar seriyasida omad toshkentliklarga kulib boqdi - 5:4.   3-o‘rin uchun bahsda Farg‘ona jamoasi Toshkent viloyati jamoasini 4:0 hisobida taslim etdi.    Shu tariqa Toshkent jamoasi birinchi o‘rinni qo‘lga kiritgan bo‘lsa, Namangan ikkinchi, Farg‘ona uchinchi o‘rin sohibiga aylandi.   G‘oliblarni taqdirlash marosimida Respublika bolalar va o‘smirlar akademiyasi direktori Grigoriy Ayrapetov, O‘FA 1-vise-prezidenti maslahatchisi San’at Sharipov, O‘zbekiston o‘smirlar terma jamoasi bosh murabbiyi Azamat Abduraimov, o‘tmishning taniqli futbolchisi Muhsin Muhammadiyev va boshqalar    qatnashishdi.    G‘oliblarga O‘FA tomonidan Kubok, diplomlar va boshqa qimmatbaho sovg‘alar topshirildi.