Yevropa chempionlar ligasining 5-turi doirasida dastlabki kun o‘yinlari yakuniga yetdi. "E" guruhida ilk o‘yin biroz avval o‘tkazilgan bo‘lsa, ikkinchi o‘yin Myunxendagi "Alyans Arena"da bo‘lib o‘tdi.

"Bavariya" o‘z maydonida "Benfika"ni qabul qilib, yirik hisobda g‘alaba qozondi. Robben va Levandovski dublni rasmiylashtirishgan bo‘lsa, Riberi o‘z hisobiga bitta gol yozdi. Mehmonlar esa bir marta javob qaytarishdi.

Ushbu guruhda "Bavariya" 13, "Ayaks" esa 11 ochko bilan pley-off yo‘llanmasini naqd qilib qo‘yishdi. So‘nggi turda ushbu jamoalar Amsterdamda o‘zaro to‘qnash keladilar va 1-o‘rin masalasiga oydinlik kiritishadi.

YECHL, "E" GURUHI, 5-TUR
Bavariya Germaniya – Benfika Portugaliya 5:1 (3:0, 2:1)
Gollar: 1:0 – 13 Robben, 2:0 – 30 Robben, 3:0 – 36 Levandovski, 3:1 – 46 Jedson Fernandesh, 4:1 – 51 Levandovski, 5:1 – 76 Riberi.
Bavariya – Noyer, Boateng, Kimmix, Alaba, Zyule, Robben (Sanshesh, 72), Goretska, Riberi (Vagner, 78), Rafinya, Levandovski, Myuller (Chjon Vu Yen, 81).
Benfika – Vlaxodimos, Konti, Grimaldo, Andre Almeyda, Diash, Pissi (Jedson Fernandesh, 46), Feysa (Alfa Semedu, 76), Rafa Silva, Pires, Servi, Jonas (Seferovich, 59).
Ogohlantirishlar: Robben (25), Riberi (33), Alfa Semedu (87).