Европа чемпионлар лигасининг 5-тури доирасида дастлабки кун ўйинлари якунига етди. "Е" гуруҳида илк ўйин бироз аввал ўтказилган бўлса, иккинчи ўйин Мюнхендаги "Альянц Арена"да бўлиб ўтди.

"Бавария" ўз майдонида "Бенфика"ни қабул қилиб, йирик ҳисобда ғалаба қозонди. Роббен ва Левандовски дублни расмийлаштиришган бўлса, Рибери ўз ҳисобига битта гол ёзди. Меҳмонлар эса бир марта жавоб қайтаришди.

Ушбу гуруҳда "Бавария" 13, "Аякс" эса 11 очко билан плей-офф йўлланмасини нақд қилиб қўйишди. Сўнгги турда ушбу жамоалар Амстердамда ўзаро тўқнаш келадилар ва 1-ўрин масаласига ойдинлик киритишади.

ЕЧЛ, "Е" ГУРУҲИ, 5-ТУР
Бавария Германия – Бенфика Португалия 5:1 (3:0, 2:1)
Голлар: 1:0 – 13 Роббен, 2:0 – 30 Роббен, 3:0 – 36 Левандовски, 3:1 – 46 Жедсон Фернандеш, 4:1 – 51 Левандовски, 5:1 – 76 Рибери.
Бавария – Нойер, Боатенг, Киммих, Алаба, Зюле, Роббен (Саншеш, 72), Горетцка, Рибери (Вагнер, 78), Рафинья, Левандовски, Мюллер (Чжон Ву Ен, 81).
Бенфика – Влаходимос, Конти, Гримальдо, Андре Алмейда, Диаш, Пицци (Жедсон Фернандеш, 46), Фейса (Алфа Семеду, 76), Рафа Силва, Пирес, Серви, Жонас (Сеферович, 59).
Огоҳлантиришлар: Роббен (25), Рибери (33), Алфа Семеду (87).