«Istiqlol» - «Nurafshon» uchrashuvidan so‘ng, farg‘onaliklar himoyachisi Aziz Madaliyevdan mavsum haqidagi fikrlariga qiziqdik.
- Yil avvalida mavsumga jiddiy tayyorgarlik ko‘rgandik. Bu yilgi chempionat oldingisidan ancha jiddiy bo‘lishi aniq edi. Sababi «Superliga» jamoalari ham ishtirok etishdi. Bizning maqsad birinchilikni qo‘lga kiritish edi. Bu maqsadga juda yaqin keldik. Lekin barcha «Pro-liga» muxlislari ko‘rdi, bildi «kim asli, kim ekanligini».
- Bu yilgi mavsumda qaysi jamoa eng kuchligi deb xisoblaysiz?
- Shubxasiz «Istiqlol» va «Mash’al» jamoalari bu mavsumda favorit bo‘lishdi. Qolgan jamoalar ham yaxshi, lekin biz ulardan kuchlimiz. Endi bir-ikki mag‘lubiyatlarni aytadigan bo‘lsak. Omadga ham bog‘liq, o‘yin qanday o‘tayotganligiga ham bog‘liq, xullas boshqa-boshqa narsalar ham bor....
- «Istiqlol» jamoasi haqida aytsangiz, bu hammaga qiziq?
- Jamoa degan so‘z bizga «oila» degan ma’noni anglatadi. Jamoamizda barcha ahil. Xatto klub rahbarlari, klub prezidentlari ham bizga bee’tibor emas. Jamoamizni moddiy va ma’naviy tomondan kuchli deb xisoblayman. Biz endi raqib tanlamaymiz. Maqsad «Superliga» ortga yo‘l yo‘q!
Muhammad Farzod suhbatlashdi.
