«Истиқлол» - «Нурафшон» учрашувидан сўнг, фарғоналиклар ҳимоячиси Азиз Мадалиевдан мавсум ҳақидаги фикрларига қизиқдик.
- Йил аввалида мавсумга жиддий тайёргарлик кўргандик. Бу йилги чемпионат олдингисидан анча жиддий бўлиши аниқ эди. Сабаби «Суперлига» жамоалари ҳам иштирок этишди. Бизнинг мақсад биринчиликни қўлга киритиш эди. Бу мақсадга жуда яқин келдик. Лекин барча «Про-лига» мухлислари кўрди, билди «ким асли, ким эканлигини».
- Бу йилги мавсумда қайси жамоа энг кучлиги деб хисоблайсиз?
- Шубхасиз «Истиқлол» ва «Машъал» жамоалари бу мавсумда фаворит бўлишди. Қолган жамоалар ҳам яхши, лекин биз улардан кучлимиз. Энди бир-икки мағлубиятларни айтадиган бўлсак. Омадга ҳам боғлиқ, ўйин қандай ўтаётганлигига ҳам боғлиқ, хуллас бошқа-бошқа нарсалар ҳам бор....
- «Истиқлол» жамоаси ҳақида айтсангиз, бу ҳаммага қизиқ?
- Жамоа деган сўз бизга «оила» деган маънони англатади. Жамоамизда барча аҳил. Хатто клуб раҳбарлари, клуб президентлари ҳам бизга беэътибор эмас. Жамоамизни моддий ва маънавий томондан кучли деб хисоблайман. Биз энди рақиб танламаймиз. Мақсад «Суперлига» ортга йўл йўқ!
Муҳаммад Фарзод суҳбатлашди.
