«Fiorentina» darvozaboni Alban Lafon A seriyaning 14-turi doirasida bo‘ladigan «Yuventus»ga qarshi o‘yin oldidan o‘z fikrlari bilan o‘rtoqlashdi. Ta’kidlash lozimki, Lafon faoliyati davomida ilk marta «Yuventus»ga maydonga tushadi.

«Krishtianu Ronaldu tepadigan penaltini qaytarib, «Fiorentina» «Yuventus»dan ochko tortib olganini ko‘rishni istayman. Men xushyorroq bo‘lishim kerak, boisi, «Yuventus» faqat Ronaldudan iborat emas. Darvozabon uchun boshqa xavf-xatarlar ham mavjud. Miralem Pyanichning jarima maydonchasi tashqarisidan yo‘llaydigan zarbalari, Paulo Dibala va Mario Manjukichning zarbalari ham xavfli.

«Yuventus» Skudetto va Italiya kubogini qo‘lga kiritishi mumkin, ammo u Chempionlar ligasida g‘olib chiqish uchun yagona favorit emas», – dedi Lafon.

«Fiorentina» – «Yuventus» o‘yini 1 dekabr, shanba kuni Toshkent vaqti bilan 22:00da boshlanadi.