Turinning “Yuventus” klubi bosh murabbiyi Massimiliano Allegri “Fiorentina”ga qarshi o‘yindan so‘ng fikrlarini bildirib o‘tdi.
“Bu o‘yinni butun shahar kutdi, shuning uchun, bizga oson bo‘lmadi. Men yigitlardan kuchli bo‘lishni so‘radim va raqibga 10 daqiqa to‘pni topshrirganimizdan so‘ng o‘zimizga kelib oldik.
Ikkinchi gol bosimni ancha yo‘qotdi. Bizda gol urish uchun imkoniyatlar ko‘p bo‘ldi. Shubxasiz, 2:0 hisobi oldinroq ham bo‘lishi mumkin edi.
Florensiyada hushyor bo‘lib o‘ynash lozim. Bu yerda o‘yin hushtak chalingunicha bo‘ladi.
Mahoratli futbolchilardan tashkil topgan hujum chizig‘ingiz bo‘lsa, ularga ko‘rsatma berish shart emas. Eng muhimi ularni cheklab qo‘ymaslik kerak. Shunchaki ularga to‘pni yetkazib berish kerak”, -deydi Allegri.
