Joriy yilning 3-10-dekabr kunlari Qozog‘istonning Olmata shahrida 2001-2002, 2003-2004-yillarda tug‘ilgan qizlar o‘rtasida boks bo‘yicha xalqaro turnirda vakillarimiz ishtirok etishayotgani haqida xabar bergan edik.
Rossiya va Qozog‘istonda xizmat ko‘rsatgan murabbiy M.Xayrudinov xotirasiga bag‘ishlab o‘tkazilayotgan turnirda jami 150 nafar ziyod charm qo‘lqop ustalari ishtirok etishmoqda.
Ushbu xalqaro turnir to‘rt nafar sportchi qizimiz ishtirok etib, Sabina Boboqulova (48 kg), Nigina O‘ktamova (50 kg) hamda Xadicha Abdullayevalar (75 kg) musobaqaning oltin medalini, Nasiba Xayrullayeva bronza medalni qo‘lga kiritdi.
