Bir necha kun oldin O‘zbekiston zamonaviy beshkurash federasiyasida hisobot-saylov konferensiyasi o‘tkazilgan va unda Bahrom Gaziyev tashkilot raisi etib saylangandi. U federasiya rahbariga aylanganidan so‘ng o‘z rejalari bilan tanishtirib o‘tgandi.
Kecha, 11 dekabr kuni Bahrom Gaziyev Qatar zamonaviy beshkurash federasiyasi bosh kotibi Badir al Darvesh bilan uchrashdi. Uchrashuv davomida tomonlar o‘zaro hamkorlikni rivojlantirish, qo‘shma o‘quv-mashg‘ulot yig‘inlarini tashkil qilish, tajriba almashish va boshqa muhim masalalarni muhokama qilishdi. Shuningdek, tajribali mutaxassislarni mashg‘ulotlarga jalb qilish masalasi ham ko‘rib chiqildi.
Ma’lumot uchun, O‘zbekiston zamonaviy beshkurash federasiyasi o‘z oldiga Tokio 2020 Olimpiadasiga lisenziya qo‘lga kiritish vazifasini qo‘ygan.