Turinning “Yuventus” klubi tarkib borasida muammoga duch keldi.
Xabaringiz bor, “Yang Boyz”ga qarshi o‘yinda Xuan Kuadrado jarohat olgan edi. U va Joau Kanselu “Torino”ga qarshi uchrashuvni o‘tkazib yuboradi. Portugaliyalik futbolchining mushaklarida muammo kuzatilganligi uchun o‘tgan o‘yinda qaydnomaga kiritilmagan edi. Kuadradoning jarohat tafsilotlari esa hozircha nomalum.
Football Italia nashrining xabar berishicha, jarohat olgan futbolchilarning o‘rniga Allegri Mattia De Shilyo va Aleks Sandroni maydonga tushiradi.
Ma’lumot uchun, “Torino” – “Yuventus” uchrashuvi 15 dekabr kuni Toshkent vaqti bilan soat 00:30da boshlanadi.
