Bugun Xitoyning Guanchjou shahrida dzyudo bo‘yicha nufuzli «Masters» turniri boshlandi. Musobaqada o‘zbekistonlik sportchilar ham qatnashishlari haqida xabar bergandik.
Ayni paytda bellashuvlar qizg‘in davom etmoqda. -60 kg vazn toifasida yurtimiz sharafini himoya qilayotgan Sharofiddin Lutfillayev ilk jangida mo‘g‘ulistonlik Boldbaatar Ganbatni mag‘lubiyatga uchratdi. Endi u qozog‘istonlik Yeldosh Smetovga qarshi tatamiga chiqadi. Ushbu vazn toifasida ishtirok etishi lozim bo‘lgan boshqa bir sportchimiz Diyorbek O‘rozboyev kecha mashg‘ulotlar chog‘ida jarohat oldi va bahslarda qatnasha olmaydigan bo‘ldi.
-66 kg vazn toifasida musobaqada ishtirok etayotgan Shahram Ahadov esa afsuski rossiyalik Yakub Shamilovga imkoniyatni boy berib qo‘ydi.
Ertaga +100 kg vazn toifasida Bekmurod Oltiboyev bahslarga kirishadi.
