Kecha, 17 dekabr kuni Samarqand shahrida o‘tkazilayotgan boks bo‘yicha O‘zbekiston chempionati yakuniga yetdi.

Chempionat finalida Indoneziyada bo‘lib o‘tgan Osiyo o‘yinlarida O‘zbekiston sharafini himoya qilgan ikki bokschi: Bobousmon Boturov hamda Iqboljon Xoldorov bir-biriga raqiblik qildi.

69 kg vazn toifasida o‘tkazilgan jang natijasi Bobousmon Boturov hisobiga (2-3) g‘alaba keltirdi.

Esingizda bo‘lsa, har ikki bokschi ham Indoneziya musobaqasida finalga chiqib, Iqboljon Xoldorov mo‘g‘ulistonlik raqibi Baatarsux Chinzorigga 5:0 hisobida mag‘lub etgan edi.

Bobousmon Boturov esa qozog‘istonlik raqibi Aslanbek Shimbergenovni 3:1 hisobida mag‘lub etib, O‘zbekistonning umumjamoa bo‘yicha qo‘lga kiritgan medallarini bittaga ko‘paytirib, Erondan o‘tish vazifasiga katta hissasini qo‘shgandi.

Musobaqa finalchilarining to‘liq natijasi quyidagicha:

-52 kg

Hasanboy Do‘smatov – Xudoynazar Fayzov 5-0

-57 kg

Abdulhay Shorahmatov –  Otabek Xolmatov (jang o‘tkazilmagan)

-63 kg

Aliyor Noraliyev – Shunqor Abdurasulov (jang o‘tkazilmagan)

-69 kg

Iqboljon Xoldorov – Bobo Usmon Baturov  2-3

-75 kg

Fanat Qahramonov – Odiljon Aslonov  4-1

-81 kg

Dilshodbek Ro‘zmetov – Xurshid Abdullayev  1-4

-91 kg

Rustam To‘laganov – Madiyor Saidrahimov 1-4

+91 kg

 Ulug‘bek Mubinov – Obidjon Tohirov 5-0.