Кеча, 17 декабрь куни Самарқанд шаҳрида ўтказилаётган бокс бўйича Ўзбекистон чемпионати якунига етди.
Чемпионат финалида Индонезияда бўлиб ўтган Осиё ўйинларида Ўзбекистон шарафини ҳимоя қилган икки боксчи: Бобоусмон Ботуров ҳамда Иқболжон Холдоров бир-бирига рақиблик қилди.
69 кг вазн тоифасида ўтказилган жанг натижаси Бобоусмон Ботуров ҳисобига (2-3) ғалаба келтирди.
Эсингизда бўлса, ҳар икки боксчи ҳам Индонезия мусобақасида финалга чиқиб, Иқболжон Холдоров мўғулистонлик рақиби Баатарсух Чинзоригга 5:0 ҳисобида мағлуб этган эди.
Бобоусмон Ботуров эса қозоғистонлик рақиби Асланбек Шимбергеновни 3:1 ҳисобида мағлуб этиб, Ўзбекистоннинг умумжамоа бўйича қўлга киритган медалларини биттага кўпайтириб, Эрондан ўтиш вазифасига катта ҳиссасини қўшганди.
Мусобақа финалчиларининг тўлиқ натижаси қуйидагича:
-52 кг
Ҳасанбой Дўсматов – Худойназар Файзов 5-0
-57 кг
Абдулҳай Шораҳматов – Отабек Холматов (жанг ўтказилмаган)
-63 кг
Алиёр Норалиев – Шунқор Абдурасулов (жанг ўтказилмаган)
-69 кг
Иқболжон Холдоров – Бобо Усмон Батуров 2-3
-75 кг
Фанат Қаҳрамонов – Одилжон Аслонов 4-1
-81 кг
Дилшодбек Рўзметов – Хуршид Абдуллаев 1-4
-91 кг
Рустам Тўлаганов – Мадиёр Саидраҳимов 1-4
+91 кг
Улуғбек Мубинов – Обиджон Тоҳиров 5-0.
