III Paraosiyo o‘yinlari g‘olibi, Qarshi davlat universitetining 3-bosqich talabasi Shohsanam Toshpo‘latovaga Prezident sovg‘asi – ikki xonali kvartira kaliti topshirildi. Bu haqda O‘zA xabar bermoqda.
Prezident Shavkat Mirziyoyev joriy yil 13-14 dekabr kunlari Qashqadaryo viloyatiga tashrifi chog‘ida III Paraosiyo o‘yinlari g‘olibi (3 ta oltin, 4 ta kumush medal, 2 marta Osiyo rekordi o‘rnatgan) Qarshi davlat universitetining 3-bosqich talabasi Shohsanam Toshpo‘latova bilan ham uchrashgandi. Prezident unga viloyat markazidan ikki xonali kvartira sovg‘a qildi.
Kecha, 19 dekabr kuni Qarshi shahridagi Islom Karimov ko‘chasida barpo etilgan zamonaviy uylardan 2 xonali kvartira kaliti chempionga tantanali ravishda topshirildi.
“Prezidentimizning sovg‘asidan o‘zimda yo‘q xursandman, shodligimning chegarasi yo‘q. Menga bildirilgan bunday yuksak e’tibor va ishonchni albatta oqlayman.
Nasib etsa, 2020 yilda Yaponiyaning Tokio shahrida bo‘lib o‘tadigan XVI yozgi Paralimpiya o‘yinlarida ham Vatanimiz sharafini munosib himoya qilishga va yurtimiz bayrog‘i eng baland shohsupada hilpirashiga va’da beraman”, deydi Shohsanam.
